حروووف

ظلمونى الناس ظلمونى و الجانى فاتوه و تهمونى ظلمونى الناس ظلمونى و الحق معايا و سقونى من أساهم و لاحنوا علي ضعف ضنايا و الدنيا على مساعداهم و أنا قلبى كبير و لالى نصير و لاأملك غير دمع عيونى ظلمونى الناس الظالم يعينوه على ظلمه و يزيدوا المسكين على همه الحق أهو باين فى إيدى و يقولوا دا الحق على و الناس قاسيين على المساكيين حاربونى الكل و غلبونى ظلمونى الناس سلمت إليك أمرى ياربى غيرك ما لقيت يرحم غلبى اليأس تعنيه من فضلك و اليائس تنظر له بعدلك أنا صنع إيديك و تكالى عليك أنصرنى على اللى ما نصفونى ظلمونى الناس

الأكل و الشرب فى إيد اللومنجية و الطماعين اللى غلوا الملح و الميه و الغشاشين اللى فاقوا على الحرامية الشاى بالمفتشر مخلوط ملوخية والبن فيه الشعير تسعين فى الميه و الميه و العيش برمله و طينه يا ملوخليه و اللحم معروض بدون أختام رسمية و الميه هيه اللبن و لا اللبن هيه أفاعى متسيبه من غير رفاعيه و دنيا مترتبه ترتيب فلاتيه

ياسامعين : أبناء بلد واحده تحت السما الواحده وياما جرى مرت سنين ع الدنيا متقدره الغرب سماها العصور الوسيطه ونظر وقال كان الزمن مظلم أما الحقيقة البسيطة بتقول فى دار الشرق مهما جرى ومهما يجرا من أول تاريخ الهجرة كان عندى فجر أنشق نوره فى عين الجبارين مؤلم حتى اذا ما ألتقوا بالفارس المسلم عرفوا الحقيقة وعظموا فارس صلب القوام والدرع تحت العمامة حتى اذا مانزل من السرج ونصب خيمة سهل الدموع الا أبتسام الراضي مايل بجسمه لأستماع الأراضي وعلى العيدان الطرية ايديه نديه كيف أيدين الفارس الغارس هذا الذى رد الثغور البهيه وبنى باسماء الأئمة المدارس وحضر مع الخصم لمقام القاضي وأعاد الى الأم الصليبيه ابنها أما عن المنكر نهى وأما فى ليلة شجن بالشام حلف يمين أفضل له يفقد ولاده ومؤنسته ولا يهدم هذا صلاح الدين فتى مقدم حامل لواء الفتيه والأجناد فوق الخيول المسرجات الجياد وهى ليله من ليالى ربيع أو هى ليله من ليالى جماد القاهرة أولى رايات الجميع عند المقطم كبرت للجهاد يارب تشفى الصدور يارب توفى الأمهات الندور يارب تمنع عن ولادنا الويل زاحفين على السواحل سلاسل نور والبحر

ردَّ الصبا بعدَ شيبِ اللمة ِ الغزلُ وَراحَ بِالْجِدِّ مَا يَأْتِي بِهِ الْهَزَلُ وَعَادَ مَا كَانَ مِنْ صَبْرٍ إِلَى جَزَعٍ بَعْدَ الإِباءِ؛ وَأَيَّامُ الْفَتَى دُوَلُ فَلْيَصْرِفِ اللَّوْمَ عَنِّي مَنْ بَرِمْتُ بِهِ فليسَ للقلبِ في غيرِ الهوى شغلُ وَ كيفَ أملكُ نفسي بعدَ ما ذهبتْ يومَ الفراقِ شعاعاً إثرَ منْ رحلوا ؟ تَقَسَّمَتْنِي النَّوَى مِنْ بَعْدِهِمْ، وَعَدَتْ عنهمْ عوادٍ ؛ فلا كتبٌ ، وَ لاَ رسلُ فالصبرُ منخذلٌ ، وَ الدمعُ منهملٌ وَالْعَقْلُ مُخْتَبِلٌ، وَالْقَلْبُ مُشْتَغِلُ أرتاحُ إنْ مرَّ منْ تلقائهمْ نسمٌ تَسْرِي بِهِ فِي أَرِيجِ الْعَنْبَرِ الأُصُلُ ساروا ، فما اتخذتْ عيني بهمْ بدلاً إِلاَّ الْخَيَالَ، وَحَسْبِي ذَلِكَ الْبَدَلُ فَخَلِّ عَنْكَ مَلامِي يَا عَذُولُ، فَقَدْ سرتْ فؤادي - على ضعفٍ بهِ - العللُ لاَ تَحْسَبَنَّ الْهَوَى سَهْلاً؛ فَأَيْسَرُهُ خَطْبٌ لَعَمْرُكَ لَوْ مَيَّزْتَهُ جَلَلُ يَسْتَنْزِلُ الْمَلْكَ مِنْ أَعْلَى مَنَابِرِهِ وَيَسْتَوِي عِنْدَهُ الرِّعْدِيدُ وَالْبَطَلُ فكيفَ أدرأُ عنْ نفسي وَ قدْ علمتْ أَنْ لَيْسَ لِي بِمُنَاوَاة ِ الْهَوَى قِبَلُ؟

ولد الهـــــدي وُلِدَ الهُدى فَالكائِناتُ ضِياءُ" "وَفَمُ الزَمانِ تَبَسُّمٌ وَثَناءُ الروحُ وَالمَلَأُ المَلائِكُ حَولَهُ" "لِلدينِ وَالدُنيا بِهِ بُشَراءُ وَالعَرشُ يَزهو وَالحَظيرَةُ تَزدَهي" "وَالمُنتَهى وَالسِدرَةُ العَصماءُ وَحَديقَةُ الفُرقانِ ضاحِكَةُ الرُبا" "بِالتُرجُمانِ شَذِيَّةٌ غَنّاءُ وَالوَحيُ يَقطُرُ سَلسَلًا مِن سَلسَلٍ" "وَاللَوحُ وَالقَلَمُ البَديعُ رُواءُ نُظِمَت أَسامي الرُسلِ فَهيَ صَحيفَةٌ" "في اللَوحِ وَاسمُ مُحَمَّدٍ طُغَراءُ اسمُ الجَلالَةِ في بَديعِ حُروفِهِ" "أَلِفٌ هُنالِكَ وَاسمُ طَهَ الباءُ يا خَيرَ مَن جاءَ الوُجودَ تَحِيَّةً" "مِن مُرسَلينَ إِلى الهُدى بِكَ جاؤوا بَيتُ النَبِيّينَ الَّذي لا يَلتَقي" "إِلّا الحَنائِفُ فيهِ وَالحُنَفاءُ خَيرُ الأُبُوَّةِ حازَهُمْ لَكَ آدَمٌ" "دونَ الأَنامِ وَأَحرَزَت حَوّاءُ هُم أَدرَكوا عِزَّ النُبُوَّةِ وَانتَهَت" "فيها إِلَيكَ العِزَّةُ القَعساءُ خُلِقَت لِبَيتِكَ وَهوَ مَخلوقٌ لَها" "إِنَّ العَظائِم

يا مسلمين لما اسكندر حكم على الدنيا و دبر شاف المداين و اتخير اسكندرية و سماها يوناني و يحب الغارة و رخره زيه ام منارة جبار و عاشق جباره طلع هواه وفق هواها اسكندر اللي بجنوده الشرق و الغرب ف إيده و الإنس و الجن عبيده باسكندرية بيتباهى وافقت عظمته و جبروته لا يفوتها لحظة و لا تفوته الإمبراطور في تابوته نايم هنا تحت ثراها أما احنا يا اسكندرانية طالعين جميعاً شضلية طبيعة في الطين و الميه متركبة تحت سماها الاسكندراني إذا صافح يغلط ساعات و يروح ناطح وارثها عن جده الفاتح فحل الملوك اللي حماها الاسكندراني إذا اتحذلق جلنف لكن له مبدأ يغواه لحد ما يتزحلق في نايبة عمره ما ينساها الاسكندراني إذا اتحمس يفقد صوابه و يتطلمس لحد ما يروح متكربس في نقرة إبليس يخشاها لكن يقوم يغسل وشه و يروح يجيب اللي غشه خلقته و يرح ناتشه راسين يعيش مسخة بعاهة و نا اللي جيت من سياله فيها العيال و الرجاله شجعان و لكن بهباله يا ننتصر يا أكلناها

جدع معلم قال لخالتك ام هلال شوفي لنا بنت حلال تكون لطيفة و عال بنات كتير حلوين عند اهلهم قاعدين ما بين طبيخ و عجين و بختهم بطال عايزها لحم فصوص مش عود قصب ممصوص و محربقه بعصعوص و عامله روحها غزال عايز قوام يتهز إن دزيتيه يندز و ف كل مفصل حز يفكرك بهلال عايز نتايه صحيح من ربع شمع تسيح مهوش بشكل قبيح لكن بذوق و دلال عندك بنات جمالات مقلوظين نتايات و دمهم شربات يسكر نسا و رجال تحققي في الزين البنت ترخي العين دي مهرها ألفين أحطهم في الحال أما اللي عاملة سبور و جدها بلفور و عايزه واد دكتور خسارة فيها ريال و لا اللي عاملة إله و شعرها قصاه و بأكسجين صابغاه دي تجلب الإسهال و ان جبتي واحده بكرش من الحمير ما تغيرش مانيش واخدها بقرش و احط فوقها شوال

حاتجن يا ريت ياخوانا مارحتش لندن و لا باريز دي بلاد تمدين و نضافه و ذوق و لطافه و حاجه تغيظ مالقيتش جدع متعافي ، و حافي ، و ماشي يقشر خص و لا شحط مشمرخ افندي معاه عود خلفه و نازل مص و لا لب اسمر و سوداني و حمص و انزل ياتقزقيز حاتجن ياريت ياخوانا مارحتش لندن و لا باريز و لا عركه ف نص الليل دايره بالحيل و ساحبها بوليس قدامها جدع متجرجر وشه معور قال ده عريس الخلق ما هي بتتجوز و اشمعنى احنا ما فيش تمييز حاتجن ياريت ياخوانا مارحتش لندن و لا باريز و لا واحده ف وش الفجر تبرطع ماليه الدنيا صوات قال إيه جوز خالتي ام احمد سلفة اخوها السيد مات سبحانك ما اعظم شأنك و الله الموت دا مفيد و لذيذ حاتجن ياريت ياخوانا مارحتش لندن و لا باريز و لا واحد طالع يجري و واحد تاني بيجري وراه و يقول ها هع حصلتك يابن اللي ابصر إيه عاملاه لا الشارع غيط ياخوانا و لا احنا بداره و لا احنا معيز حاتجن ياريت ياخوانا مارحتش لندن و لا باريز و لا واحد بيبيع حاجه يقول بريال و تاخدها بصاغ ياخوانا دي حتى الإبره تاخدها بدوشة و قلب دماغ حلفان و عراك و مناهدة و يمكن ضرب كفوف يا حفيظ

الأولة آه و التانية آه و التالتة آه الأولة : عيروني ، إن انا فلاح و التانية : أزرع و أقلع للي نام و ارتاح و التالتة : آه اللي احبه شط مني و راح الأولة : عيروني ، إن انا فلاح - بدفيه و التانية : أزرع و أقلع للي نام و ارتاح - في دهبية و التالتة : آه اللي احبه شط مني و راح - في صبحية الأولة : عيروني ان انا فلاح بدفيه - و عيشي حاف و التانية : أزرع و أقلع للي نام و ارتاح في دهبية - بميت مقداف و التالتة : آه اللي احبه شط مني و راح في صبحية - ما قاللي عواف الأولة : مش بإيدي دا قضا محتوم و التانية : و مسيرها ناس تغرق و ناس حاتعوم و التالتة : ميت هم يرحل ألف هم يدوم الأولة آه و التانية آه و التالتة آه

يا مصري ليه ترخي دراعك و الكون ساعك و نيل جميل حلو بتاعك يشفي اللهيب خلق إلهك مقدونيا على سردينيا و الكل زايطين في الدنيا ليه انت كئيب وادي العراق نصب النصبة و دخل العصبة و أرضك انت دهب خصبة من غير أنابيب لكن قعادك متخبي عند "جروبي" جعل جميع جرابيع ربي تمد الكلاليب قنى استوماطي أوتومبيله و باع هلاهيله و أمك انت اللي تجيله تقطع جلاليب و خالتك انت اللي تعامله و تتهلضم له و يبيع لها كلونيا و قمله بيدب دبيب و أختك انت اللي سوارها و كل شوارها من عنده هوه و مشطرها في ملو الدواليب هناك يقابلوك في فرنسا بذوق و مؤانسة لكن جيوبك ولا تنسى تحت التشطيب ما تحط نفسك في العالي و تنباع غالي و تتف لي ع اللي ف بالي من غير ما تعيب و تقول له كرماء لضيوفنا لكن صوفنا ما يتنتفش إلا بكيفنا و بيد حبيب

يا ولاد حكاية في البلد ما تتنسيش طول الأبد شابت لها راس الولد و اختل عقل اللي كبر يا خلق سامع صوت أنين و شيء يقول يا مسلمين و لما مالقاشي المعين سكت و لا بان له خبر يا من سمع صوت القدوم في بيت على شارع عموم و حس بيقول ياللا قوم افحت يا عبد العال حفر و جسم مين اللي اندفن و نزلوه من غير كفن من بعد ما انداس و انطحن في الليل و نادى يا غفر يا بنت دي أمك بكت لما لقوكي في الجتت متقطعة حتت حتت و متقلينك بالحجر لا بد أبكي عللي راح من الصبايا و الملاح الممدودين تحت السلاح عشان رقابهم تنجزر لا بد أبكي عللي غاب و له سنين تحت التراب ممتد في بيوت القحاب لجل المقدر و القدر ريا و جوزها في الظلام نايمين على الروس و العظام كأنه من ريش النعام و لا الحرير المعتبر اللبوة أم نياب حديد بتسامر الضبع العنيد و حش الجلنفات الوحيد و إبن بياعة الجزر بيسكروا فوق اللحود فوق مرتبة محشية دود تقرف تنام فوقها القرود من دهنها اللي ينعصر طابخين فاصوليا و سلكمه و يغرفوا في الجمجمة عنداً في أحسن محكمة و لو فيها ال

ليه أمشي حافي ، و نا منبت مراكيبكم ليه فرشي عريان ، و نا منجد مراتبكم ليه بيتي ، خربان و نا نجار دواليبكم هي كده قسمتي ؟ الله يحاسبكم ساكنين علالي العتب ، و نا اللي بانيها فارشين مفارش قصب ، ناسج حواشيها قانيين سواقي دهب ، و نا اللي ادور فيها يا رب ما هوش حسد لكن بعاتبكم من الصباح للمسا ، و المطرقة ف إيدي صابر على دى الأسا ، حتى نهار عيدي ابن السبيل انكسى ، و اسحب هرابيدي تتعروا من مشيتي و اخجل أخاطبكم ليه تهدموني و نا اللي عزكم باني أنا اللي فوق جسمكم قطني و كتاني عيلتي في يوم دفنتي ما لقيتش أكفاني حتى الأسيه ، و نا راحل و سايبكم

يسرني و يهنيني أدفع ضرايب على عيني أدفع ألوفي و ملاييني لكن تعالوا حاسبوني أكون سعيد و أكون شافع لو تتصرف على شيء نافع مثلاً مصانع و مدافع و لا على القصر العيني و اقطع لكم لحم كتافي و أبيع هدومي و لحافي و لااشوفش جايع و لا حافي يغمني و يبكيني و بادعي أيام و ليالي أشوف كده السد العالي و أقول دا مبني من مالي و كد إيدي و جبيني و يا سلام لما تجيلنا ... النفاثات مع أساطيلنا يومها صحيح نبقى وصلنا و اقول يا عالم هنوني و ابات مضمضم متكدر... لما الضريبة تتبحتر مهيه للأستاذ بعجر ... و عبده شخرم بسيوني اللي ابنه بعته ف أوروبا و من فلوسي بيتربى قريب يعود زي الضربه و يقول مع والدي خدوني جثه على المكتب قاعده أو في القهاوي متواعده ماهيش سياسة و لا عداله الأمة نصها شغاله و نصها التاني عاله يتبط و يقول رقوني