التخطي إلى المحتوى الرئيسي

الجيش العربي فين محمد بهجت

::::::
واحد اتنين الجيش العربي فين
الجيش العربى سعودى
مش عارف فين يا حدودى
والنفط لميمى ودودى
قل مرحب فيس يبو زين
واحد اتنين الجيش العربي فين
الجيش العربى عراقى
بيقولك ايه الباقى
عامل م النفط عتاقى
ماكوهنروح من وين
واحد اتنين الجيش العربي فين
الجيش العربى القطرى
متجنن بجنان فطرى
ويلومك لو من بدرى
ف جزيرتو كسرلو العين
واحد اتنين الجيش العربي فين
الجيش العربى لبنانى
وبيتكلم حيانى
مش عارف فيه ايه تانى
بقا حزب الله نصين
واحد اتنين الجيش العربي فين
الجيش العربى كويتى
وبنفطو بيخرب بيتى
عاوز يملك حوانيتى
ويا الشعب الامريكى
عاوز يعملو جيشين
واحد اتنين الجيش العربي فين
الجيش العربى ف مالطه
مش عاوز يغلط غلطه
باينها سيما اونطه
مولد شالله يا حسين
واحد اتنين الجيش العربي فين
الجيش العربى ف بلدى
وبيتكلم بالهندى
مش عارف ليه كان عندى
ولا عارف يجى لفين

واحد اتنين الجيش العربي فين
الجيش العربى مشاكس
عاوز يطلع ويعاكس
ف بنات قمرات مش حاسس
انو يحارب ساعتين
واحد اتنين الجيش العربي فين
الجيش العربى ف غزه
مستنيها تطلع عزه
ويربى هناك المعزه
علشان متكونش الهزه
بتهز معاها اتنين
واحد اتنين الجيش العربي فين
الجيش العربى المغرب
قاعد باصص مستغرب
بزاف ويوقول ليش تعجب
قلبك قايم شقين
واحد اتنين الجيش العربي فين
الجيش العربي في تونس
اخضر مثل البقدونس
وعزيزة بتعشق يونس
يبقى الحروبات بعدين
برشا هنكون ع العين
واحد اتنين الجيش العربي فين
الجيش العربى الهوبا
قاعد يلعب هيلا هوبا
بيقول امتا هنتخبا
مش عارف يطلع وين

الجيش العربي في تونس
اخضر مثل البقدونس
وعزيزة بتعشق يونس
يبقى الحروبات بعدين
واحد اتنين الجيش العربي فين
الجيش العربى جزائر
قاعد بيدور ف دوائر
وبيشرب فرط سجائر
نايم من غير بطاطين
واحد اتنين الجيش العربي فين
الجيش العربى التانى
مفرود قاعد ف صوانى
ولا عمره قال اه يانى
وسلاحه بقا جوانى
مستنى يروح الصين

واحد اتنين الجيش العربي فين
الجيش العربى كتير
وشه مليان تعاوير
ونقلو شى ياحمير
انتم بتحاربو ف مين
واحد اتنين الجيش العربي فين
الجيش العربى عمانى
قاعد بيقول اه يانى
ودا صوتو بقا حيانى
قاعد بيشيل ف الطين
واحد اتنين الجيش العربي فين
الجيش العربى فى رومى
قاعد يتكلم رومى
والكابتن بيقول قومى
هيقطعو ليا هدومى
هنقوم هنروح على فين
واحد اتنين الجيش العربي فين
الجيش العربىمسافر
بيحارب بره وفاكر
انو هيرجع بتزاكر
علشان يشترى قيراطين
واحد اتنين الجيش العربي فين

الجيش العربى اهو نايم
مستنى لبسله عمايم
ف المرقه يفت وعايم
واهو كرشه معاه مترين
واحد اتنين الجيش العربي فين
الجيش العربى منور
مش خايف وبيتعور
ولا عمره نصرنا وصور
ولا حتا راح العالمين
واحد اتنين الجيش العربي فين
الجيش العربى الاهلى
بيقولك جاى على مهلى
ليابان مستنى الاهلى
وبيخسرو خمسه اتنين
واحد اتنين الجيش العربي فين
الجيش العربى زمالك
وكتير بيشوف ف مهالك
ولاقائد ليهم سالك
يلاقوها منين ومنين
واحد اتنين الجيش العربي فين
الجيش العربى ان عاش
تلاقوه فين ف الانعاش
وهياكل فينا بلاش
اهو مستنى التعيين
واحد اتنين الجيش العربي فين
واحد اتنين الجيش العربي فين

تعليقات

إرسال تعليق

المشاركات الشائعة من هذه المدونة

الباز أفندي.. أيقونة نجاح بالبسكلته (صلاة النبي أحســــن)

ساقط توجيهية وكيل أعمال وسمسار مراكب وقباني والعكس صحيح، إنها الفهلوة لصانع البهجة توفيق الدقن، الذي أقنعنا جدا في دوره بفيلم ابن حميدو في العملاق إسماعيل ياسين والجان أحمد رمزي. ولمعرفة أسباب نجاح الباز أفندي في حياته العملية، عليكم قراءة ما يلي: ـ منذ نعومة أظافره اعتمد على نفسه وفكه من التعليم ووجع النفوخ وقرر يسقط في التوجيهية "الثانوية العامة سعاتك منك ليه أيام زمان"، وفتح مكتب سمسرة وربنا فتحها عليه. ـ الباز أفندي لم يكتفى بعمله الخاص بمجال الشحن والتفريغ والمراكب، وكان بيشتغل في وقت فراغه مع الست لاتانيا في مجال الكيف، وبذكاءه الفج مقدرش يعرف مكان بطن الزير، مش عارف ازاي هو معرفش مع إننا شوفنا الفيلم اكتر من 100 مرة وعرفنا وهو لأ. ـ لم يخجل من فشله ـ أيوة والله ـ متكسفش إنه كان ساقط توجيهية بالعكس كاتبها على يافطة مكتبه وتفاخر بها طيلة أحداث الفيلم وكان عامل فيها جيمس بوندق في نفسه ومقضيها. ـ البسكلته.. أول عجلة تدخل مكتب عمل بدون واسطة او محسوبية بل وكانت تجلس خلف الباز افندي لأنه ميقدرش يستغنى عنها، وكمان مظبط الموظفين بتوعه فى الشغل و جايب لهم بسكلته يتنقلوا ب...
إرسال تعليق
قراءة المزيد

محمد صلاح أحد 5 مرشحين للفوز بالكرة الذهبية 2019

ذكرت شبكة "فوكس سبورتس" الأمريكية، أن هناك خمسة مرشحين هم الأوفر حظا لنيل جائزة الكرة الذهبية لعام 2019، مشيرة إلى أن نجم منتخب مصر ونادي ليفربول الإنجليزي، محمد صلاح، يعد أحد هؤلاء المرشحين . وأوضحت الشبكة، في تقرير نشرته على موقعها الإلكتروني اليوم الجمعة، أن اللاعب المصري قضى فترة قصيرة بالدوري الإنجليزي الممتاز "بريميرليج" في تشيلسي لكنها لم تكن بنفس النجاح الذي حققه مع فيورنتينا وروما الإيطاليين قبل الانضمام إلى ليفربول في صيف 2017 . وأضافت أن منذ ذلك الوقت، سجل صلاح أهدافا أو قدم تمريرات حاسمة في 81 مرة خلال 78 مباراة بالدوري الإنجليزي وفاز بجائزة الحذاء الذهبي للبريميرليج في عامين متتاليين إلى جانب إضافته لقب مسابقة دوري أبطال أوروبا لإنجازاته مع الريدز على حساب توتنهام هوتسبر الموسم الماضي . وأشارت "فوكس نيوز" إلى أن حارس مرمى منتخب البرازيل ونادي ليفربول، أليسون بيكر، المتوج بلقبي دوري الأبطال وكوبا أمريكا، والفائز أيضا بجائزة أفضل حارس في أوروبا لهذا العام سيكون بين المنافسين على نيل الجائزة . ووفقا للشبكة ، فإن النجم البرتغالي كريست...
إرسال تعليق
قراءة المزيد

المعلم والعميد أبرزهم.. 5 أسماء مرشحة لقيادة منتخب مصر

كشف عمرو الجنايني، رئيس لجنة إدارة اتحاد الكرة، عن الأسماء المرشحة لتدريب منتخب مصر في الفترة المقبلة. وقال الجنايني، في تصريحات تليفزيونية: “يوجد 5 مرشحين الآن لتدريب منتخب مصر ولم نحسم الأمر بشكل رسمي حتى الآن ”. وأضاف: “حسن شحاتة وحسام البدري وحسام حسن وأحمد حسام “ميدو” وإيهاب جلال، هؤلاء المرشحين لتدريب المنتخب ”. وأردف: “حتى اللحظة لم نستبعد أي اسم من الخماسي ولم نُقرر بشكل نهائي من هو المدرب ”.   ونفى الجنايني الاستقرار على اسم حسن شحاتة على أن يعاونه ميدو في الجهاز، قائلا: “لا هذا ليس صحيحا ”. فيما ألمح الإعلامي أحمد شوبير، إلى استقرار اتحاد الكرة المصري، على اسم المدير الفني الجديد لمنتخب مصر، الذي سيقود الفراعنة خلال الفترة المقبلة خلفًا للمكسيكي خافيير أجيري. وقال “شوبير” خلال عبر شاشة أون سبورت: “تم الاستقرار على المدير الفني لمنتخب مصر وتم الاتفاق معه على كل التفاصيل ، مؤكدًا: خلال ساعات سيتم اعتماد اسم مدرب منتخب مصر الجديد. وكان اتحاد الكرة أعلن في وقت سابق تأجيل اختيار مدرب المنتخب الجديد لحين تنظيم الأمور الخاصة بمسابقة الدوري للموسم الجديد أولا....
إرسال تعليق
قراءة المزيد