التخطي إلى المحتوى الرئيسي

تهييس حلو

جلست يوما ويييا نفسى وقلت فى حاجات غريبه بتحصل لنا وبتجعلنا نندهش كما اندهش ابو قردان ,طبعا هتقولولى وماحكاية ابو قردان...
اسمع ياخويا انت وهى:-
ابو قردان ده طائر كنا زمان خدناه فى المدرسه انه صديق الفلاح بينقى الدود من الارض ويساعده فى الارض يعنى مفيد مش ضااار فذات يوم الفلاح اصطاد ابو قردان ودبحه واكله فابو قردان ذهل ازاى يعمل كده ده انا مبضرش الله يرحمك يابو قردان اومال لو كنت ابو 3 قروود كان عمل ايه يلا يلا مش موضوعنا...

موضوعنا بئه قلت ياواد يااحمد عاوزين كده شوية حاجات عجيبه وغريبه وتذهل كما ذهل ابو القروود زى مثلا...........
لو عربيه نص نقل ماشيه وراكب فيها خمسة افراد اتنين يمين السواق وواحد على حجرهم وواحد على يساره وقابلت لجنه هتقولهم مين اللى سايق؟؟؟

لما يكون بقالك مده مش بتشوف واحد وتقابله فجأه وتنسى اسمه بتقوله ازيك يااا؟؟؟؟ ايه

لو فتحت الجهاز بتاعك وبدل كلمة"welcome"
لقيته بيقولك مرحبا يااا"معلم" اتفضل ياخويا

اما لو اول مصحيت من النوم وبتنزل من السرير نزلت الشقه اللى تحتك؟؟؟!!!! كيف يكون حاااالك

طيب لو جاتلك فرصة عمل باحدى القنوات الفضائيه بعد ميخلص البث هتعمل """تششششششششششش" بمبلغ مغرى هاااااا!!!! هتوافق؟؟ الله يعين الراجل اللى شغال دلوقتى

لو جيبت فيلم فيديو للسهره مع العائله من واحد صاحبك واول مبدات عرض فوجئت انه فيلم*****

لو راكب جنب سواق فى الكرسى الامامى والسواق خبط العربيه اللى امامه جه الشرطى وقالك هات بطاقتك هتعمل ايه؟؟

طيب لو كنت قاضى وامامك حرامى سارق جاكيت من احدى المحلات ولما سالته عن السبب قالك هو كان كاتب عليه "انتهز الفرصه"" فانتهزتهااااا!!!

بستغرب ان معظم هدايا البنات والشباب بتكون دبدوب باحجامه المختلفه او الخاطب وخطيبته مهو كده هو او هى من كتر مبيشوفه الدبدوب ممكن يحبوه وانت تتنسى خالص ...وانا والله مش ضد الدبدوب

تعمل ايه بئه لو كنت ماشى فى صحرراااء وهتموت من العطش وفجاه وعلى مرمى البصر لقيت كولدير مية...اكيد هتبقى اوهام لانك عطشان..اوعى تصدق متروحش

تعمل ايه لو كنت اتعرفت على بنت جديده فى النت وكانت زى العسل وكلامها اكتير حلو وطلبت منها تتقابلو قالتلك انا ممكن اجى اتغدى معاكم اليوووم وانت طبعا مصدقتهاش وحلفتلك انها هتيجى وفعلا فى موعد الغداء بالظبط من غير رن جرس او حتى رزع الباب لقيتها جايبالك غداااك وبتقولك مش قولتلك صدقنى؟؟؟اختك من الغرفه المجاوره!!!

طيب لو البيت اللى انت ساكن فيه فى بلطجى تحت محدش قادر عليه ولا حتى التورته ولا البسبوسه ولازم الاصطباحه جنيه والكلام ده للبنت برضه بدل ميعلملك فى وشك؟؟؟ ماذا يكون فعلك!!!

طيب والله الموقف ده مش عارف هعمل ايه فيه ؟؟؟
لو جبت لاهلك علبة من الجاتوه او التورتووه اوى حاجه حلووووووه واول مفتحت لقيت كارت بتفتح الكارت لقيت مكتوب فيه"بالسم الهارى"" بجد هتعمل ايه هترميها ولا هتنفض وتاكلها ولا تديها لجارك العزيز؟؟؟

تعليقات

إرسال تعليق

المشاركات الشائعة من هذه المدونة

كنايات عجيبة حلوة حرف الالف

* أبراج عقله طارت :يعتقدون أن لعقل الانسان سبعة أبراج يقوم عليها . وعندما تنهار هذه الابراج ينهار عقله وتفكيره . كناية عن شدة التفكير فى موضوع ، أو شدة القلق على نتائجه .* إبشك عليه :عبارة يقولونها للكلاب المدربة لكى تهجم على شخص .* ابقى قابلنى : أى إذا حدث كلامك هذا تعال قابلنى ، والمقصود أن حدوثه بعيد أو مستحيل .* أبن الأبالسة :أبالسة جمع إبليس والعياذ بالله . والمقصود إنه شخص شرير جدوده كلهم شياطين .* ابن الدادة :الدادة ( عن فعل يدادى أى يدلل ) هى مربية الأطفال . ويصفون الشخص بذلك إذا تم استثناؤه من الأمر بدون وجه حق . مثل ( فلان ماسافرش معانا عشان ابن الدادة ) ..* ابن المجنونة :يصفون الشحص بأن أمه مجنونه إذا أتى بأفعال غريبة . وكان الجنون متأصل فى عائلتة .* إبن إمبارح :أى صغير السن وكأنه مولود بالأمس القريب . كناية عن حدث العهد .* إبن بارم ديله :كناية عن التعاظم والتفاخر بلا وجه حق . وبارم من برم الشوارب أى فرد شعيراتها ولفها على بعضها البعض . ثم أزالوا كلمة الشارب ووضعوا كلمة ديله ( أى ذيله ) للسخرية .* إبن بلد : فى نظرهم إبن البلد هو الشخص غير المرفه الشهم الذى يضحى بنفسه فداء أص
إرسال تعليق
قراءة المزيد

كـانـت هـنـاك قـصـة حب

كانت هناك قصةً يعيشُها إثنان تجمعوا بالخير يوماً ونسوا طعم الحرمان تعاهدوا بالقربِ وأن يصونوا معنى الأمان فقالوا بالعشقِ كلاماً تشهدُ له الأزمان توعدوا بالحبِ وأن يكونوا للظرفِ بُنيان الحرير جدارهم والقلوب في رحمة الرحمن تكابر الأمر وظل نارُ العمر شعلان كأنه لم يكن لباقي الناس وجدان طال الليلُ بينهم فصار البعد بركان أينما كان بعدوا وتحاشوا يوم الهجران تحلموا كثيراً كشاربٍ يوم العيد سكران يأمر وينهي فنسى للحكم سلطان طاروا ومن حولهم تُعزف الألحان فصار الرقص مجراهم وتجاهلوا عين العدوان قالوا أقولاً غريبة تعلوا عالم الإنسان كل من رآهم أذهلته عجائب الأفنان دارت الأقدارُ بينهم لتحطم تلك الأشجان وما كان معدومٌ صارت له اليوم أوطان هذه الدنيا دوماً تفرق شمل الأحضان لنكون فيها ذكرى تطريها أجيال الغزلان
إرسال تعليق
قراءة المزيد

شوية فوازير عنب

ا -ماهو الكوكب الذي يرى في الليل و النهار؟ 2- شيء لا يمكنه المشي إلا إذا ضربته على رأسه؟ 3- شيء كلما ذبحته بكيت عليه؟ 4- شيء له نفس الوزن إذا كان فارغ أو معبأ؟ 5- إنسان وزوجته لا هو من بني آدم و لا هي من بنات حواء؟ 6- ما هو الشيء الذي إذا أكلته كله تستفيد، وإذا أكلت نصفه تموت؟ 7- ما هو الشيء الذي ترميه كلما احتجت إليه؟ 8- تاجر من التجار إذا اقتلعنا عينه طار؟ فمن هو؟ 9- جملة مفيدة مشهورة تحتوي على 24 حرفا غير منقوط فما هي؟ 10- ما هو الشيء الذي يوصلك من بيتك إلى عملك دون أن يتحرك؟ 11- ما هي الكلمة الوحيدة التي تلفظ غلط دائما؟ 12- ساكن قبر، طعامه فوق رأسه، إن أكل من هذا الطعام يقوم ويمشي ،يتكلم وهو صامت، ويعود لذلك القبر فما هو؟ 13- ما هو أضعف البيوت على وجه الأرض؟ 14- ما هو أرق شيء يمكن رؤيته بالعين المجردة؟ 15- ما هو الشيء الذي يخترق الغابات والأشجار والأشواك دون أن يتحرك؟ 16- كم مرة ينطبق عقربا الساعة على بعضهما في اليوم الواحد؟ 17- أطرش يريد أن يطلب مقصا من أبكم ماذا يفعل؟ 18- يتسع لمئات الألوف ولا يتسع للطير المنتوف؟ 19- ما هو الشيء الذي له عين واحدة ولكنه لا يرى؟ 20- ما هو الشيء الذ
إرسال تعليق
قراءة المزيد